आधारभूमि संवाददाता

काठमाडौ, फागुन २६

आज सुनको मूल्य उकालो लागेको छ । मंगलबार तोलामा ८५ हजार ६०० मा कारोवार भएको छापावाल सुन आज प्रतितोला ६०० ले बढेर ८६ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ६०० ले बढेर ८५ हजार ७५० मा कारोवार भएको छ । यस अघि मंगलबार तेजावी सुन रु ८५ हजार १५० मा कारोवार भएको थियो ।

आज चाँदीको मूल्य पनि प्रतितोला रु १५ ले बढेको छ । आज महासङ्घले चाँदीको मूल्य प्रतितोला रु
एक हजार २७० तोकेको छ । यस अघि मंगलबार चाँदी प्रतितोला रु एक हजार २५५ मा कारोबार भएको थियो ।