आधारभूमि संवाददाता
काठमाडौं, फागुन २४
इटालियन सिरि ए फुटबलमा एसी मिलानले सहज जित निकालेको छ। आइतबार राति भएको खेलमा मिलानले भोरोनालाई २–० गोल अन्तरले पराजित गरेको हो ।
मिलानलाई जित दिलाउन र्याड क्रुनिक र डायगो डलोटले एक-एक गोल गरे ।
खेलको २७ औं मिनेटमा र्याड क्रुनिकले गोल गर्दै मिलानलाई सुरुवाती अग्रता दिलाएका थिए ।
दोस्रो हाफको ५० औं मिनेटमा डायगो डलोटले गोल गर्दै मिलानको अग्रता दोब्बर पारे ।त्यसपछि कुनै गोल हुन सकेन र मिलानले जित निकालेको हो ।
जितसँगै एसी मिलानले २६ खेलबाट ५६ अंक जोडेको छ र दोस्रो स्थानमा छ। पराजित भोरोनाको ३८ अंक छ र आठौं स्थानमा छ ।
