आधारभूमि संवाददाता
काठमाडौ, १६ फागुन

आज पनि सुनको मूल्य घटेको छ । शुक्रबार तोलामा ८८ हजार ८०० मा कारोवार भएको छापावाल सुन आज प्रतितोला ५०० ले घटेर ८८ हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ५०० ले घटेर ८७ हजार ८५० मा कारोवार भएको छ । यस अघि शुक्रबार तेजावी सुन रु ८८ हजार ३५० मा कारोवार भएको थियो ।

आज चाँदीको मूल्य पनि प्रतितोला रु १० ले घटेको छ । आज महासङ्घले चाँदीको मूल्य प्रतितोला रु १३२५ तोकेको छ । यस अघि शुक्रबार चाँदी प्रतितोला रु १३३५ मा कारोबार भएको थियो ।