आधारभूमि संवाददाता
काठमाडौं, फागुन १४
आर्सनल युरोपा लिग फुटबलको अन्तिम १६ मा प्रवेश गरेको छ ।बिहीबार राति भएको अन्तिम ३२ को दोस्रो लेगमा आर्सनलले बेनफिकालाई ३-२ को जित निकाल्दै अन्तिम १६ मा प्रवेश गरेको हो ।
आर्सनललाई जित दिलाउन पियरे एम्रिक औबामेयांगले दुई र किएरन टिएर्नेयले एक गोल गरे।बेनफिकाको डियोगो गोनाल्भेज र राफा सिल्भाले एक एक गोल गरे।
खेलको २१ औं मिनेटमा औबामेयांगले गोल गर्दै आर्सनललाई सुरुवाती अग्रता दिलाएका थिए । ४३ औँ मिनेटमा बेनफिकाको डियोगो गोनाल्भेजले गोल गर्दै बराबरीमा ल्याए ।
दोस्रो हाफको ६१ औं मिनेटमा बेनफिकाका राफा सिल्भाले गोल गर्दै टोलीलाई २-१ ले अघि बढाए। तर, ६७ औं मिनेटमा आर्सनलका किएरन टिएर्नेयले गोल गर्दै बराबरीमा ल्याए । त्यसपछि खेलको ८७ औं मिनेटमा आर्सनलका पियरे एम्रिक औबामेयांगले व्यक्तिगत दोस्रो गोल गर्दै टोलीलाई ३-२ को जित दिलाए ।
जितसंगै आर्सनल युरोपा लिग फुटबलको अन्तिम १६ मा प्रवेश गरेको छ ।
