आधारभूमि संवाददाता
काठमाडौ, १३ फागुन

आज पनि सुनको मूल्य घटेको छ । बुधवार तोलामा ८९ हजार ८०० मा कारोवार भएको छापावाल सुन आज प्रतितोला ५०० ले घटेर ८९ हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ५०० ले घटेर ८८ हजार ८५० मा कारोवार भएको छ । यस अघि बुधवार तेजावी सुन रु ८९ हजार ३५० मा कारोवार भएको थियो ।

आज चाँदीको मूल्य पनि प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु १३५५ तोकेको छ । यस अघि बुधवार चाँदी प्रतितोला रु १३४५ मा कारोबार भएको थियो ।