आधारभूमि संवाददाता
काठमाडौं, फागुन १३

रियल मड्रिडले च्याम्पियन्स लिग फुटबलको अन्तिम १६ को पहिलो लेगमा कठिनाई  जित निकालेको छ । बुधबार राति भएको खेलमा रियल मड्रिडले १० खेलाडीमा सिमित एट्लान्टालाई उसकै घरेलु मैदानमा १-० गोलले पराजित गरेको हो ।

रियल मड्रिडलाई जित दिलाउन फर्ल्यान्ड मेन्डीले निर्णायक गोल गरे । मेन्डीले दोस्रो हाफको ८६ औं मिनेटमा लुका मोड्रिचको पासमा गोल गरेका हुन् ।

खेलको १७ औं मिनेटमा एट्लान्टाका रिमो फ्रिलरले रातो कार्ड खाँदै मैदानबाट बाहिरिएपछि एट्लान्टा १० खेलाडीमा समेटिएको थियो ।

अब दोस्रो लेग मार्च १६ मा रियल मड्रिडको घरेलु मैदानमा हुनेछ ।