आधारभूमि संवाददाता
काठमाडौं, फागुन १३
च्याम्पियन्स लिग फुटबलको अन्तिम १६ को पहिलो लेगमा इंग्लिस क्लब म्यानचेस्टर सिटीले सहज जित निकालेको छ । बुधबार राति भएको खेलमा म्यानचेस्टर सिटीले मोन्चेनग्लाडबाखलाई २-० गोलले पराजित गरेको हो ।
म्यानचेस्टर सिटीलाई जित दिलाउन बर्नार्डो सिल्भा र गेब्रियल जिससले एक एक गोल गरे।
खेलको २९ औं मिनेटमा बर्नार्डो सिल्भाले गोल गर्दै सिटीलाई सुरुवाती अग्रता दिलाएका थिए ।
त्यसपछि खेलको ६५ औँ मिनेटमा गेब्रियल जिससले गोल गर्दै सिटीलाई २-० को जित दिलाए ।
अब दोस्रो लेग मार्च १६ मा म्यानचेस्टर सिटीको घरेलु मैदानमा हुनेछ ।
