आधारभूमि संवाददाता
काठमाडौ, फागुुन १०
फ्रेन्च लिग वान फुटबलमा पेरिस सेन्ट जर्मेन (पीएसजी) घरेलु मैदानमा पराजित भएको छ ।आइतबार राति भएको खेलमा मोनाकोले पीएसजीलाई उसैको मैदानमा २-० गोलले पराजित गरेको हो ।
मोनाकोलाई जित दिलाउन सोफियन डायप र गिइलर्मो मारिपनले एक-एक गोल गरे ।
खेलको छैटौं मिनेटमा सोफियन डायपले गोल गर्दै मोनाकोलाई सुरुवाती अग्रता दिलाएका थिए।त्यसपछि दोस्रो हाफको ५१ औं मिनेटमा गिइलर्मो मारिपनले गोल गर्दै टोलीलाई २-० को जित दिलाए ।
जितसंगै मोनाको फ्रेन्च लिग वान फुटबलको चौंथो स्थानमा उक्लिएको छ । मोनाकोले २६ खेलबाट ५२ अंक जोडेको छ। पराजित पीएसजीको २६ खेलबाट ५४ अंक छ र तेस्रो स्थानमा छ ।
