आधारभूमि संवाददाता
काठमाडौ, फागुुन १०
म्यानचेस्टर युनाईटेडले इंग्लिस प्रिमियर लिग फुटबलमा सहज जित निकालेको छ ।आइतबार राति घरेलु मैदानमा भएको खेलमा युनाईटेडले न्युकासल युनाईटेडलाई ३-१ गोलले पराजित गरेको हो ।
युनाईटेडलाई जित दिलाउन मार्कस र्यासफोर्ड, डानियल जेम्स र ब्रुनो फर्नांडीसले एक-एक गोल गरे ।न्युकासलको एलेन सेन्ट म्याक्सीमिनले एक गोल फर्काए ।
खेलको ३० औं मिनेटमा मार्कस र्यासफोर्डले गोल गर्दै युनाईटेडलाई सुरुवाती अग्रता दिलाएका थिए ।तर, ३६ औं मिनेटमा न्युकासलका एलेन सेन्ट म्याक्सीमिनले गोल गर्दै खेल बराबरीमा ल्याए ।
दोस्रो हाफको ५७ औं मिनेटमा युनाईटेडका डानियल जेम्सले गोल गर्दै टोलीको अग्रता दोब्बर पारे । त्यसपछि खेलको ७५ औं मिनेटमा ब्रुनो फर्नांडीसले पेनाल्टीमा गोल गर्दै युनाईटेडलाई ३-१ को जित दिलाए ।
जितसंगै म्यानचेस्टर युनाईटेडले २५ खेलबाट ४९ अंक जोडेको छ र दोस्रो स्थानमा उक्लिएको छ ।पराजित न्युकासलको २५ अंक छ र १७ औं स्थानमा छ ।
