आधारभूमि संवाददाता
काठमाडौ, फागुुन ९
स्पेनिस ला लिगा फुटबलमा बार्सिलोना काडिजसँग बराबरीमा रोकिएको छ ।आइतबार राति भएको खेलमा बार्सिलोनालाई काडिजले १-१ गोलको बराबरीमा रोकेको हो ।
खेलमा बार्सिलोनाको लागि लियोनल मेस्सीले एक गोल गरे भने काडिजको एलेक्स फर्नान्डेजले एक गोल गरेका थिए।
खेलमा पहिलो अग्रता बार्सिलोनाले लिएको थियो । खेलको ३२ औं मिनेटमा लियोनल मेस्सीले पेनाल्टीमा गोल गर्दै बार्सिलोनालाई सुरुवाती अग्रता दिलाएका थिए ।
दोस्रो हाफको ८९ औं मिनेटमा काडिजका एलेक्स फर्नान्डेजले पेनाल्टीमा गोल गर्दै खेल बराबरीमा ल्याए । त्यसपछि कुनै गोल हुन सकेन र खेल बराबरीमा रोकिएको हो ।
बराबरीसँगै बार्सिलोनाले २३ खेलबाट ४७ अंक जोडेको छ र तेस्रो स्थानमा छ ।काडिजको २५ अंक छ र १४ औं स्थानमा छ ।
