आधारभूमि संवाददाता
काठमाडौं, फागुन ९

स्पेनिस ला लिगा फुटबलमा रियल मड्रिडले सहज जित निकालेको छ । शनिबार राति भएको खेलमा रियल मड्रिडले भ्लालाडोलिडलाई उसकै मैदानमा १-० गोलले पराजित गरेको हो ।

रियल मड्रिडलाई जित दिलाउन क्यासिमिरोले निर्णायक गोल गरे । क्यासिमिरोले दोस्रो हाफको ६५ औं मिनेटमा टोनी क्रुसको पासमा गोल गरेका हुन् ।

जितसंगै रियल मड्रिडले २४ खेलबाट ५२ अंक जोडेको छ र दोस्रो स्थानमा छ । शीर्ष स्थानको एट्लेटिको मड्रिडको २३ खेलबाट ५५ अंक छ ।पराजित भ्लालाडोलिडको २१ अंक छ र १९ औं स्थानमा छ ।