आधारभूमि संवाददाता
काठमाडौँ,६ फागुन
इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले १० अंकको अग्रता बनाएको छ । बुधबार राति भएको खेलमा सिटीले एभर्टनलाई ३-१ गोलले पराजित गरेको हो ।
सिटीलाई जित दिलाउन फिल फोडेन,रियाद महरेज र बर्नार्डो सिल्भाले एक-एक गोल गरे।एभर्टनका रिचार्लिसनले एक गोल गरे ।
खेलको ३२ औं मिनेटमा फिल फोडेनले गोल गर्दै सिटीलाई सुरुवाती अग्रता दिलाएका थिए ।तर खेलको ३७ औं मिनेटमा एभर्टनका रिचार्लिसनले गोल गर्दै खेल बराबरीमा ल्याए ।
दोस्रो हाफको ६३ औँ मिनेटमा रियाद महरेजले गोल गर्दै टोलीको अग्रता दोब्बर पारे ।त्यसपछि ७७ औँ मिनेटमा बर्नार्डो सिल्भाले गोल गर्दै सिटीलाई ३-१ को जित दिलाए ।
जितसँगै सिटीले २४ खेलबाट ५६ अंक जोडेको छ र शीर्ष स्थानमा १० अंकको अग्रता बनाएको छ ।पराजित एभर्टनको २३ खेलबाट ३७ अंक छ र सातौं स्थानमा छ ।
