आधारभूमि संवाददाता
काठमाडौ, फागुुन २
आइतबार थप १ सय ४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ३ हजार ५ सय १ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७२ हजार ७ सय ७ सय १८ पुगेको छ ।
त्यस्तै पछिल्लो २४ घण्टामा पीसीआर विधिबाट ३ हजार ५ सय १ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ७९ रहेको छ । कोरोना सक्रिय संक्रमितको संख्या १ हजार ६ सय ६ जना छन् । हालसम्म २१ लाख १७ हजार ५० जनाको पीसीआर परीक्षण गरिएको छ।
थप १ सय ३१ जना डिस्चार्ज
नेपालमा पछिल्लो २४ घण्टामा १ सय ३१ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ६९ हजार ६० पुगेको छ ।नेपालमा हालसम्म कोरोनाबाट ज्यान गुमाउनेको संख्या दुई हजार ५४ पुगेको छ।
