आधारभूमि संवाददाता
काठमाडौँ,२ फागुन
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । शनिबार राति भएको खेलमा पीएसजीले नाईसलाई २-१ गोलले पराजित गरेको हो ।
पीएसजीलाई जित दिलाउन जुलियन ड्रक्सलर र मोइज केनले एक-एक गोल गरे । नाईसको रोनी लोप्सले एक गोल फर्काए ।
खेलको २२ औँ मिनेटमा जुलियन ड्रक्सलरले गोल गर्दै पीएसजीलाई सुरुवाती अग्रता दिलाएका थिए।तर, ५० औं मिनेटमा नाईसका रोनी लोप्सले गोल गर्दै खेल बराबरीमा ल्याए ।
त्यसपछि खेलको ७६ औं मिनेटमा पीएसजीका मोइज केनले गोल गर्दै टोलीलाई २-१ को जित दिलाए ।
जितसँगै पीएसजीले २५ खेलबाट ५४ अंक जोडेको छ र शीर्ष स्थानमा छ ।पराजित नाईसको २४ खेलबाट २९ अंक छ र १४ औं स्थानमा छ ।
