आधारभूमि संवाददाता
काठमाडौँ,माघ २८
स्पेनिस ला लिगा फुटबलमा रियल मड्रिड दोस्रो स्थानमा उक्लिएको छ । मंगलबार राति भएको खेलमा रियल मड्रिडले गेटाफेलाई २-० गोलले पराजित गरेको हो ।
रियल मड्रिडलाई जित दिलाउन करिम बेन्जिमा र फर्ल्यान्ड मेन्डीले एक एक गोल गरे ।
खेलको ६० औं मिनेटमा करिम बेन्जिमाले भिनिसियस जुनियरको पासमा गोल गर्दै रियल मड्रिडलाई अग्रता दिलाएका थिए ।त्यसपछि खेलको ६६ औं मिनेटमा फर्ल्यान्ड मेन्डीले गोल गर्दै रियललाई २-० को जित दिलाए ।
जितसंगै रियलले २२ खेलबाट ४६ अंक जोडेको छ र दोस्रो स्थानमा उक्लिएको छ । शीर्ष स्थानको एट्लेटिको मड्रिडको २० खेलबाट ५१ अंक छ ।पराजित गेटाफेको २४ अंक छ र १३ औं स्थानमा छ ।
