आधारभूमि संवाददाता
काठमाडौँ,माघ २६
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । आइतबार राति भएको खेलमा पीएसजीले मार्सेलीलाई उसकै मैदानमा २-० गोलले पराजित गरेको हो ।
पीएसजीलाई जित दिलाउन केलियन एम्बाप्पे र मउरो इकार्डीले एक-एक गोल गरे । पीएसजीले दुबै गोल पहिलो हाफमा गरेको हो ।
खेलको नवौं मिनेटमा केलियन एम्बाप्पेले गोल गर्दै पीएसजीलाई सुरुवाती अग्रता दिलाएका थिए।त्यसपछि २४ औँ मिनेटमा मउरो इकार्डीले गोल गर्दै टोलीलाई २-० को जित दिलाए ।
खेलको इन्जुरी समयमा मार्सेलीका दिमित्री पायटले रातो कार्ड खादै मैदानबाट बाहिरिएपछि मार्सेली अन्तिम समयमा १० खेलाडीमा सिमित बनेको थियो।
जितसँगै पीएसजीले २४ खेलबाट ५१ अंक जोडेको छ र तेस्रो स्थानमा छ ।पराजित मार्सेलीको २२ खेलबाट ३३ अंक छ र नवौं स्थानमा छ ।
