पर्सा, माघ २२
पर्सा जिल्लाको बिरगंज महानगरपालिका १६ स्थित भन्सार ईलाकाबाट माघ २१ गते एपीएफ टोलीले तीन सय ७८ ग्राम चाँदीको गहनासहित एक जनालाई पक्राउ गरेको छ । पक्राउ पर्नेमा सोही महानगरपालिका २ छप्कैया बस्ने ३४ बर्षिय रोशन सराफ छन् ।
उनलाई सशस्त्र प्रहरी बल, नेपाल बोर्डर आउट पोष्ट बिरगंजबाट खटिएको एपीएफ टोलीले पक्राउ गरेको हो । ना २८ प ५७५२ नम्बरको मोटरसाइकलमा आउँदै गरेका उनलाई एपीएफ टोलीले शंका लागि जाँच गर्दा उनको साथमा उल्लेखित चाँदीको गहना फेला परेपछि पक्राउ गरिएको हो । एपीएफ टोलीले त्यसवेला उक्त मोटरसाइकल समेत बरामद गरेको छ ।
पक्राउ परेका सराफलाई बरामद चाँदीको गहना र मोटरसाइकलसहित आवश्यक कारवाहीको लागि भन्सार कार्यालय बिरगंजमा बुझाइएको छ ।
