आधारभूमि संवाददाता
काठमाडौँ,माघ २२
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । बुधबार राति पीएसजीको घरेलु मैदानमा भएको खेलमा पीएसजीले निम्सलाई ३-० गोलले पराजित गरेको हो ।
पीएसजीलाई जित दिलाउन एन्जिल डि मारिया,पाबियो सरबिया र केलियन एम्बाप्पे एक-एक गोल गरे । पीएसजीले दुई गोल पहिलो हाफमा र एक गोल दोस्रो हाफमा गरेको हो ।
खेलको १८ औं मिनेटमा डि मारियाले गोल गर्दै पीएसजीलाई सुरुवाती अग्रता दिलाएका थिए। ३६ औँ मिनेटमा पाबियो सरबियाले गोल गर्दै टोलीको अग्रता दोब्बर पारे ।
त्यसपछि दोस्रो हाफको ६८ औँ मिनेटमा केलियन एम्बाप्पेले गोल गर्दै टोलीलाई ३-० को जित दिलाए ।
जितसँगै पीएसजीले २३ खेलबाट ४८ अंक जोडेको छ र तेस्रो स्थानमा छ ।पराजित निम्सको २२ खेलबाट १५ अंक छ र पुछारमा छ ।
