आधारभूमि संवाददाता
काठमाडौँ,माघ १३
टोटनह्याम एफए कप फुटबलको पाँचौं चरणमा प्रवेश गरेको छ ।सोमबार राति भएको चौंथो चरणको खेलमा टोटनह्यामले वायकोम्बिलाई उसकै मैदानमा ४-१ गोलले पराजित गर्दै पाँचौं चरणमा प्रवेश गरेको हो ।
टोटनह्यामलाई जित दिलाउन टानगाइ एनडोम्बेले दुई , ग्यारेथ बेल र ह्यारी विन्क्सले एक एक गोल गरे । वायकोम्बिका फ्रेड ओन्येदिन्माले एक गोल गरेका थिए ।
खेलमा पहिलो अग्रता वायकोम्बिले लिएको थियो । खेलको २५ औं मिनेटमा फ्रेड ओन्येदिन्माले गोल गर्दै वायकोम्बिलाई अग्रता दिलाएका थिए ।तर,खेलको ४५ औं मिनेटमा टोटनह्यामका ग्यारेथ बेलले गोल गर्दै खेल बराबरीमा फर्काए ।
दोस्रो हाफको ८६ औं मिनेटमा ह्यारी विन्क्सले गोल गर्दै टोटनह्यामलाई २-१ को अग्रता दिलाए ।लगत्तै ८७ औँ मिनेटमा टानगाइ एनडोम्बेले गोल गर्दै टोलीलाई ३-१ अघि बढाए।
त्यसपछि इन्जुरी समयमा टानगाइ एनडोम्बेले व्यक्तिगत दोस्रो गोल गर्दै टोटनह्यामलाई ४-१ को जित दिलाए ।
जितसंगै टोटनह्याम एफए कप फुटबलको पाँचौं चरणमा प्रवेश गरेको छ ।टोटनह्यामले अब पाँचौं चरणमा एभर्टनसँग प्रतिस्पर्धा गर्नेछ।
