आधारभूमि संवाददाता
काठमाडौ, माघ १२

आज पनि सुनको मूल्य घटेको छ । साताको पहिलो दिन आइतबार तोलामा ९२ हजार ६०० मा कारोवार भएको छापावाल सुन आज प्रतितोला २०० ले घटेर ९२ हजार ४०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले घटेर ९१ हजार ९०० मा कारोवार भएको छ । यस अघि आइतबार तेजावी सुन रु ९२ हजार १०० मा कारोवार भएको थियो ।

आज चाँदीको मूल्य स्थिर रहेको छ । आज पनि महासङ्घले चाँदीको मूल्य प्रतितोला रु १२६० तोकेको छ ।