आधारभूमि संवाददाता
काठमाडौँ,माघ १२
स्पेनिस ला लिगा फुटबलमा बार्सिलोना तेस्रो स्थानमा उक्लिएको छ । आइतबार राति भएको खेलमा बार्सिलोनाले एल्चेलाई उसकै मैदानमा २-० गोलले पराजित गरेको हो ।
बार्सिलोनालाई जित दिलाउन फ्रेन्की डे जोंग र रिकुइ पुइगले एक एक गोल गरे ।
खेलको ३९ औं मिनेटमा फ्रेन्की डे जोंगले गोल गर्दै बार्सिलोनालाई सुरुवाती अग्रता दिलाएका थिए ।
त्यसपछि दोस्रो हाफको ८९ औं मिनेटमा रिकुइ पुइगले गोल गर्दै बार्सिलोनालाई २-० ले अघि बढाए। त्यसपछि बाकी समयमा कुनै गोल हुन सकेन र बार्सिलोनाले जित निकालेको हो ।
जितसंगै बार्सिलोनाले १९ खेलबाट ३७ अंक जोडेको छ र तेस्रो स्थानमा उक्लिएको छ । शीर्ष स्थानको एट्लेटिको मड्रिडको १८ खेलबाट ४७ अंक छ । दोस्रो स्थानको रियल मड्रिडको १९ खेलबाट ४० अंक छ ।पराजित एल्चेको १८ अंक छ र १९ औं स्थानमा छ ।
