आधारभूमि संवाददाता
काठमाडौँ,माघ ११
म्यानचेस्टर सिटी एफए कप फुटबलको पाँचौं चरणमा प्रवेश गरेको छ ।शनिबार राति चौंथो चरणमा भएको खेलमा म्यान्चेष्टर सिटीले चेल्टनहमलाई ३-१ गोलले पराजित गर्दै पाँचौं चरणमा प्रवेश गरेको हो ।
सिटीलाई जित दिलाउन फिल फोडेन,ग्राबिएल जिसस र फेरन टोरेसले एक एक गोल गरे । चेल्टनहमका अल्फी मयले एक गोल फर्काएका थिए ।
खेलमा पहिलो अग्रता फुलहामले लिएको थियो । खेलको पाँचौं मिनेटमा एडेमोला लुकम्यानले गोल गर्दै फुलहामलाई अग्रता दिलाएका थिए ।
खेलमा पहिलो अग्रता चेल्टनहमले लिएको थियो । खेलको ५९ औं मिनेटमा अल्फी मयले गोल गर्दै चेल्टनहमलाई अग्रता दिलाएका थिए ।
तर,खेलको ८१ औं मिनेटमा सिटीका फिल फोडेनले गोल गर्दै खेल बराबरीमा फर्काए ।लगत्तै ८४ औँ मिनेटमा ग्राबिएल जिससले गोल गर्दै टोलीको अग्रता दोब्बर पारे ।
त्यसपछि इन्जुरी समयमा फेरन टोरेसले गोल गर्दै सिटीलाई ३-१ को जित दिलाए ।
जितसंगै सिटी एफए कप फुटबलको पाँचौं चरणमा प्रवेश गरेको छ ।सिटीले अब पाँचौं चरणमा च्याम्पियनसिप क्लब स्वान्सी सिटीसँग प्रतिस्पर्धा गर्नेछ।
