आधारभूमि संवाददाता

काठमाडौ, माघ ९

शुक्रबार सुनको मूल्यमा सामान्य गिरावट आएकोछ । बिहीबार तोलामा ९३ हजार १०० मा कारोवार भएको छापावाल सुन आज प्रतितोला २०० ले घटेर ९२ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि २०० ले घटेर ९२ हजार ४०० मा कारोवार भएको छ । यस अघि बिहीबार तेजावी सुन रु ९२ हजार ६०० मा कारोवार भएको थियो ।

आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु १२६० तोकेको छ । यस अघि बिहीबार चाँदी प्रतितोला रु १२७५ मा कारोबार भएको थियो ।