आधारभूमि संवाददाता
काठमाडौँ,माघ ८
युभेन्ट्सले इटालियन सुपर कप फुटबलको उपाधि जितेको छ ।
बुधबार राति भएको फाइनल खेलमा नापोलीलाई २–० ले पराजित गर्दै युभेन्ट्सले सुपर कप फुटबलको उपाधि जितेको हो ।
युभेन्ट्सलाई जित दिलाउन क्रिस्टियानो रोनाल्डो र अल्भारो मोराटाले एक एक गोल गरे । युभेन्ट्सले एक गोल पहिलो हाफमा र एक गोल दोस्रो हाफमा गरेको हो ।
खेलको ६४ औँ मिनेटमा युभेन्ट्सका क्रिस्टियानो रोनाल्डोले गोल गर्दै टोलीलाई अग्रता दिलाएका थिए।
त्यसपछि दोस्रो हाफको इन्जुरी समयमा अल्भारो मोराटाले गोल गर्दै युभेन्ट्सलाई २-० को जित दिलाए ।
योसँगै युभेन्ट्सले नवौं पटक इटालियन सुपर कप फुटबलको उपाधि जितेको छ ।
