आधारभूमि संवाददाता
काठमाडौं, ४ माघ
आइतबार थप २६६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ३ हजार ५०८ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख ६७ हजार ३२२ पुगेको छ ।
त्यस्तै पछिल्लो २४ घण्टामा पीसीआर विधिबाट ३ हजार ५०८ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या २२१ रहेको छ । कोरोना सक्रिय संक्रमितको संख्या ३ हजार ९१९ जना छन् । हालसम्म २० लाख १२ हजार ४५२ जनाको पीसीआर परीक्षण गरिएको छ।
थप ४०० जना डिस्चार्ज
नेपालमा पछिल्लो २४ घण्टामा ४०० जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख ६१ हजार ४४४ पुगेको छ ।
नेपालमा हालसम्म कोरोनाबाट ज्यान गुमाउनेको संख्या एक हजार ९५९ पुगेको छ। आइतबार मात्रै ५ जनाको मृत्यु भएको मन्त्रालयले पुष्टि गरेको छ।
