आधारभूमि संवाददाता
काठमाडौं, पुष ४

साताको पहिलो दिन सुनको मूल्य घटेको छ । शुक्रबार तोलामा ९२ हजार ५०० मा कारोवार भएको छापावाल सुन आज प्रतितोला ७०० ले घटेर ९१ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि ७०० ले घटेर ९१ हजार ३०० मा कारोवार भएको छ । यस अघि शुक्रबार तेजावी सुन रु ९२ हजारमा कारोवार भएको थियो ।

आज चाँदीको मूल्य पनि प्रतितोला रु ३० ले घटेको छ । आज महासङ्घले चाँदीको मूल्य प्रतितोला रु १२३० तोकेको छ । यस अघि शुक्रबार चाँदी प्रतितोला रु १२६० मा कारोबार भएको थियो ।