आधारभूमि संवाददाता
काठमाडौँ,माघ १
युभेन्ट्स कोपा इटालिया फुटबलको क्वाटरफाइनलमा प्रवेश गरेको छ ।बुधबार राति भएको खेलमा युभेन्ट्सले जिनोआलाई ३-२ गोलले पराजित गर्दै कोपा इटालिया फुटबलको क्वाटरफाइनलमा प्रवेश गरेको हो।
युभेन्ट्सलाई जित दिलाउन डिजान कुलुसेभ्स्की, अल्भारो मोराटा र हम्जा राफियाले एक एक गोल गरे । जिनोआका लेननार्ट सिबोरा र फिलिप्पो मेलेगोनीले एक एक गोल फर्काएका थिए ।
खेलको दोस्रो मिनेटमा डिजान कुलुसेभ्स्कीले गोल गर्दै युभेन्ट्सलाई सुरुवाती अग्रता दिलाएका थिए। २३ औँ मिनेटमा अल्भारो मोराटाले गोल गरेपछि युभेन्ट्स २-० ले अघि बढ्यो।
त्यसको ५ मिनेटपछि जिनोआका लेननार्ट सिबोरा गोल गर्दै खेल २-१ को स्थितिमा ल्याए ।
दोस्रो हाफको ७४ औँ मिनेटमा फिलिप्पो मेलेगोनीले गोल गर्दै खेल बराबरीमा फर्काएका थिए ।
तर,दोस्रो हाफको ईन्जुरी समयमा हम्जा राफियाले गोल गर्दै युभेन्ट्सलाई ३-२ को जित दिलाए ।
जितसंगै युभेन्ट्स कोपा इटालिया फुटबलको क्वाटरफाइनलमा प्रवेश गरेको छ ।
