आधारभूमि संवाददाता
काठमाडौ, पुुस २९
स्पेनिस ला लिगा फुटबलमा शीर्ष स्थानको एट्लेटिकोले ४ अंकको अग्रता बनाएको छ । मंगलबार राति भएको खेलमा एट्लेटिकोले सेभियालाई २-० गोलले पराजित गरेको हो ।
एट्लेटिकोलाई जित दिलाउन एन्जिल कोर्ए र सौल निगुएजले एक-एक गोल गरे।एट्लेटिकोले एक गोल पहिलो हाफमा र एक गोल दोस्रो हाफमा गरेको हो ।
खेलको १७ औँ मिनेटमा एन्जिल कोर्एले गोल गर्दै एट्लेटिकोलाई सुरुवाती अग्रता दिलाएका थिए।
त्यसपछि दोस्रो हाफको ७६ औँ मिनेटमा सौल निगुएजले गोल गर्दै टोलीलाई २-० को जित दिलाए।
जितसँगै एट्लेटिकोले १६ खेलबाट ४१ अंक जोडेको छ र शीर्ष स्थानमा ४ अंकको अग्रता बनाएको छ ।दोस्रो स्थानको रियल मड्रिडको १८ खेलबाट ३७ अंक छ ।पराजित सेभियाको १७ खेलबाट ३० अंक छ छैटौं स्थानमा छ ।
