आधारभूमि संवाददाता
काठमाडौं, पुष २२
सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले वृद्धि भएको छ ।
मंगलबार तोलामा रु ९६ हजार ४०० मा कारोबार भएको सुनको मूल्य आज प्रतितोला रु ३०० बढेर रु ९६ हजार ७०० रुपैयाँमा कारोबार भएको छ।महासङ्घले आजका लागि तेजाबी सुनको मूल्य प्रतितोला रु ९६ हजार २०० तोकेको छ । यस अघि मंगलबार तेजाबी सुन प्रतितोला रु ९५ हजार ९०० मा खरिद बिक्री भएको थियो ।
आज चाँदीको मूल्य पनि प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु १३४० तोकेको छ । यस अघि मंगलबार चाँदी प्रतितोला रु १३३५ मा कारोबार भएको थियो ।
