आधारभूमि संवाददाता
काठमाडौं १६ पुस
बिहीबार थप ५३४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ६ हजार जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख ६० हजार ५९३ पुगेको छ ।
त्यस्तै पछिल्लो २४ घण्टामा पीसीआर विधिबाट ६ हजार जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ३६२ रहेको छ । कोरोना सक्रिय संक्रमितको संख्या ६ हजार ३७८ जना छन् । हालसम्म १९ लाख ३२ हजार ४७७ जनाको पीसीआर परीक्षण गरिएको छ।
थप ४४७ जना डिस्चार्ज
नेपालमा पछिल्लो २४ घण्टामा ४४७ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख ५२ हजार ३५९ पुगेको छ ।
नेपालमा हालसम्म कोरोनाबाट ज्यान गुमाउनेको संख्या एक हजार ८५६ पुगेको छ। बिहीबार मात्रै ९ जनाको मृत्यु भएको मन्त्रालयले पुष्टि गरेको छ।
