आधारभूमि संवाददाता
काठमाडौ, पुुस ६
साबिक विजेता रियल मड्रिडले स्पेनिस ला लिगा फुटबलमा लगातार चौथो जित निकालेको छ ।आईतबार राति भएको खेलमा रियल मड्रिडले ईबरलाई ३-१ गोलले पराजित गरेको हो।
रियलललाई जित दिलाउन करिम बेन्जिमा,लुका मोड्रिच र लुकास भाजकेन्जले एक एक गोल गरे । ईबरको कप्तान किकी गार्सियाले एक गोल फर्काए ।
खेलको छैटौ मिनेटमा करिम बेन्जिमाले गोल गर्दै रियललाई सुरुवाती अग्रता दिलाएका थिए।त्यसको सात मिनेटपछि लुका मोड्रिचले गोल गर्दै रियलको अग्रता दोब्बर पारे ।
खेलको २८ औं मिनेटमा ईबरको कप्तान किकी गार्सियाले गोल गर्दै खेल २-१ को स्थितिमा ल्याए ।
त्यसपछि दोस्रो हाफको इन्जुरी समयमा लुकास भाजकेन्जले गोल गर्दै रियलललाई ३-१ को शानदार जित दिलाए ।
जितसंगै रियलले १४ खेलबाट २९ अंक जोडेको छ र दोस्रो स्थानमा उक्लिएको छ । पराजित ईबरको १४ खेलबाट १५ अंक छ र १४ औं स्थानमा छ ।
