आधारभूमि संवाददाता
काठमाडौँ, १८ मङ्सिर
बार्सिलोनाले यूईएफए च्याम्पियन्स लिग फुटबलमा सहज जित निकालेको छ।बुधबार राति भएको समूह (जी) को खेलमा हंगेरी क्लब एफटीसीलाई ३–० गोलले पराजित गरेको हो ।
बार्सिलोनालाई जित दिलाउन एन्टोनि ग्रिजम्यान,मार्टिन ब्रेथवेट र डेम्बेलेले एक एक गोल गरे । बार्सिलोनाले सबै गोल पहिलो हाफमा गरेको हो ।
खेलको १४ औं मिनेटमा ग्रिजम्यानले गोल गर्दै बार्सिलोनालाई सुरुवाती अग्रता दिलाएका थिए ।त्यसको ६ मिनेटपछि मार्टिन ब्रेथवेटले डेम्बेलेको पासमा गोल गर्दै टोलीको अग्रता दोब्बर पारे ।
त्यसपछि खेलको २८ औं मिनेटमा डेम्बेलेले पेनाल्टीमा गोल गर्दै बार्सिलोनालाई ३-० को अग्रता दिलाए । ब्रेथवेटलाई डिबक्सभित्र फल गरेपछि बार्सिलोनाले पेनाल्टी पाएको थियो ।त्यसपछि कुनै गोल हुन सकेन र बार्सिलोनाले जित निकालेको हो ।
जितसंगै यसअघि नै अन्तिम १६ मा पुगेको समूह (जि)मा रहेको बार्सिलोनाले ५ खेलबाट १५ अंक जोडेको छ र शीर्ष स्थानमा छ। दोस्रो स्थानको युभेन्ट्सको ५ खेलबाट १२ अंक छ ।तेस्रो स्थानको
डाइनामो किभको १ अंक छ ।एफटीसीको पनि १ अंक छ र पुछारमा छ ।
बार्सिलोनाले समूह विजेताका लागि अर्को हप्ता युभेन्ट्ससंग भिडदै छ ।
