आधारभूमि संवाददाता

काठमाडौ, मंसिर १७

सुनको मूल्यमा आज पनि सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

मंगलबार तोलामा रु ९० हजार ५०० मा कारोबार भएको सुनको मूल्य आज प्रतितोला रु ५०० बढेर रु ९१ हजारमा कारोबार भएको छ र तेजाबी सुनको मूल्य प्रतितोला रु ९० हजार ५५० तोकेको छ । यस अघि मंगलबार तेजाबी सुन प्रतितोला रु ९० हजार ५० मा खरिद बिक्री भएको थियो ।

आज चाँदीको मूल्य प्रतितोला रु ३० ले वृद्धि भएको छ । आज महासङ्घले चाँदीको मूल्य प्रतितोला रु ११८५ तोकेको छ । यस अघि मंगलबार चाँदी तोलामा रु ११५५ रुपैयाँमा कारोबार भएको थियो ।