आधारभूमि संवाददाता
काठमाडौँ, १४ मङ्सिर
सुरुवाती अग्रता जोगाउन नसक्दा इंग्लिस प्रिमियर लिग फुटबलमा साविक विजेता लिभरपुल ब्राइटनसँग बराबरीमा रोकिएको छ । शनिबार राति भएको खेलमा लिभरपुललाई ब्राइटनले १-१ गोलको बराबरीमा रोकेको हो ।
खेलमा लिभरपुलको लागि डिएगो जोटाले एक गोल गरे भने ब्राइटनको लागि पास्कल ग्रबले एक गोल गरेका थिए।
खेलमा पहिलो अग्रता लिभरपुलले लिएको थियो । खेलको ६० औं मिनेटमा डिएगो जोटाले मोहमद सलाहको पासमा गोल गर्दै लिभरपुललाई अग्रता दिलाएका थिए।
तर, दोस्रो हाफको इन्जुरी समयमा ब्राइटनका पास्कल ग्रबले पेनाल्टीमा गोल गर्दै खेल बराबरीमा फर्काए र टोलीलाई हारबाट जोगाए ।
लिभरपुलका एन्ड्र्यू रबर्टसनले ब्राइटनका ड्यानी वेलब्याकलाई पेनाल्टी क्षेत्रमा फउल गरेका थिए। प्राप्त पेनाल्टीमा ब्राइटनका ग्रोसले सहजै गोल गरे ।
बराबरीपछि पनि लिभरपुल शीर्ष स्थानमा उक्लिएको छ। लिभरपुलले १० खेलबाट २१ अंक जोडेको छ ।ब्राइटनले १० खेलबाट १० अंक जोडेको छ र १६ औं स्थानमा छ। एक खेल कम खेलेको टोटनह्यामको २० अंक छ र दोस्रो स्थानमा छ।
