आधारभूमि संवाददाता
काठमाडौ, मंसिर १२
शुक्रबार थप १७०३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १० हजार ४६० जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख २९ हजार ३४३ पुगेको छ ।
त्यस्तै पछिल्लो २४ घण्टामा पीसीआर विधिबाट १० हजार ४६० जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६०१ रहेको छ । कोरोना सक्रिय संक्रमितको संख्या १७ हजार २३७ जना छन् । हालसम्म १७ लाख १० हजार ४६० जनाको पीसीआर परीक्षण गरिएको छ।
थप १ हजार २ सय ३६ जना डिस्चार्ज
नेपालमा पछिल्लो २४ घण्टामा १२३६ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख १० हजार ६७१ पुगेको छ ।
नेपालमा हालसम्म कोरोनाबाट ज्यान गुमाउनेको संख्या एक हजार ४ सय ३५ पुगेको छ। शुक्रबार मात्रै २३ जनाको मृत्यु भएको मन्त्रालयले पुष्टि गरेको छ।
