आधारभूमि संवाददाता
काठमाडौ, ११ मङ्सिर
विश्वमा कोरोना भाइरस सङ्क्रमणको कारण मृत्यु हुनेको संख्या १४ लाख २७ हजार नागेको छ ।
नेपाली समय बिहीबार १:०० बजे सम्म विश्वभरीमा ६ करोड ७ लाख ४१ हजार जना व्यक्ति कोरोना सङ्क्रमित भएका छन् भने हालसम्म विश्वमा कोरोना भाइरस सङ्क्रमणको कारण १४ लाख २७ हजार ११९ व्यक्तिको मृत्यु भएको छ ।
सङ्क्रमितमध्ये हालसम्म ४ करोड २० लाख ४५ हजार ४७६ व्यक्ति कोरोना मुक्त भएका छन् । विश्वभरमा १ करोड ७२ लाख ६८ हजार ४०९ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये १ लाख ४ हजार ५१६ जनाको अवस्था गम्भीर रहेको जनाइएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।
सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित भारतमा देखिएको छ ।
पछिल्लो विवरण अनुसार अमेरिकामा कुल सङ्क्रमितको संख्या १ करोड ३१ लाख ३८ हजार २०४ पुगेको छ । त्यसैगरी यहाँ कुल मृतकको संख्या २ लाख ६८ हजार २२१ पुगेको छ ।
दोस्रो धेरै प्रभावित भएको भारतमा ९२ लाख ६६ हजार ७०५ जना सङ्क्रमित भएका छन् भने १ लाख ३५ हजार २६१ जनाको मृत्यु भएको छ ।
त्यसतै तेस्रो धेरै प्रभावित भएको ब्राजिलमा ६१ लाख ६६ हजार ८९८ जना सङ्क्रमित भएका छन् भने एक लाख ७० हजार ७९९ जनाको मृत्यु भएको छ ।
स्रोत: वर्ल्डोमीटर
