आधारभूमि संवाददाता
काठमाडौँ, ११ मङ्सिर
बायर्न म्युनिख च्याम्पियन्स लिग फुटबलको अन्तिम १६ मा प्रवेश गरेको छ ।बुधबार राति भएको समूह (ए) को खेलमा आरबी साल्जबर्गलाई ३-१ गोल अन्तरले पराजित गर्दै बायर्न अन्तिम १६ मा प्रवेश गरेको हो ।
बायर्न म्युनिखलाई जित दिलाउन रबर्ट लेवन्डोव्स्की,किंग्स्ले कोमान र लेरो सानेले एक एक गोल गरेका थिए ।बायर्नले एक गोल पहिलो हाफमा र दुई गोल दोस्रो हाफमा गरेको हो । आरबी साल्जबर्गका मर्जिम बेरीशाले एक गोल फर्काएका थिए ।
खेलको ४२ औं मिनेटमा रबर्ट लेवन्डोव्स्कीले गोल गर्दै बायर्नलाई सुरुवाती अग्रता दिलाएका थिए ।
दोस्रो हाफको ५२ औं मिनेटमा किंग्स्ले कोमानले गोल गर्दै टोलीको अग्रता दोब्बर पारे ।
खेलको ६६ औं मिनेटमा बायर्न १० खेलाडीमा समेटिएको थियो ।बायर्नका मार्क रोकाले दोस्रो पहेँलो कार्ड (रातो कार्ड) पाएका थिए।
त्यसको दुई मिनेट पछि लेरो सानेले गोल गर्दै बायर्नलाई ३-० अग्रता दिलाए ।खेलको ७३ औं मिनेटमा आरबी साल्जबर्गका मर्जिम बेरीशाले गोल गर्दै ३-१ को स्थितिमा ल्याए । त्यसपछि कुनै गोल हुन सकेन र बायर्नले जित निकालेको हो ।
जितसंगै समूह (ए) मा रहेको बायर्नले लगातार चौंथो जित निकालेको छ। बायर्नले ४ खेलबाट १२ अंक जोडेको छ र शीर्ष स्थानमा छ।पराजित साल्जबर्गको ४ खेलबाट १ अंक छ र पुछारमा छ ।
