आधारभूमि संवाददाता

काठमाडौँ,१० मङ्सिर

यूइएफ च्याम्पियन्स लिग फुटबलमा फ्रेन्च क्लब पेरिस सेन्ट जर्मेन (पीएसजी) ले जित निकालेको छ ।मंगलबार राति भएको समूह (एच) को खेलमा पीएसजीले जर्मन क्लब आरबी लाइपजिगलाई १-० गोलले पराजित गरेको हो ।

पीएसजीलाई जित दिलाउन नेइमारले गरेको गोल नै निर्णायक बन्न पुग्यो ।नेइमारले खेलको ११ औं मिनेटमा पेनाल्टीमा गोल गरेका हुन् ।

आरबी लाइपजिगका मार्सलले एन्जल डी मारियालाई पेनाल्टी क्षेत्रमा लडाएपछि पीएसजीले पेनाल्टी पाएको थियो ।जसमा नेइमारले गोल गर्दै पीएसजीलाई जित दिलाए।

जितसंगै समूह (एच)मा रहेको पीएसजीले ४ खेलबाट ६ अंक जोडेको छ र दोस्रो स्थानमा छ। पराजित लाइपजिगको ६ अंक छ र तेस्रो स्थानमा छ ।