आधारभूमि संवाददाता

काठमाडौ, मंसिर ९

मंगलबार सुनको मूल्य घटेको छ । सोमबार तोलामा ९४ हजार ३०० मा कारोवार भएको छापावाल सुन आज १८०० ले घटेर ९२ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि १८०० ले घटेर ९२ हजार मा कारोवार भएको छ । यस अघि सोमबार तेजावी सुन रु ९३ हजार ८०० मा कारोवार भएको थियो ।

आज चाँदीको मूल्य पनि प्रतितोला रु ३० ले घटेको छ । आज महासङ्घले चाँदीको मूल्य प्रतितोला रु ११८० तोकेको छ । यस अघि सोमबार चाँदी प्रतितोला रु १२१० मा कारोबार भएको थियो ।