आधारभूमि संवाददाता

काठमाडौँ ,७ मङ्सिर

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले वृद्धि भएको छ ।

शुक्रबार तोलामा रु ९४ हजारमा कारोबार भएको सुनको मूल्य आज प्रतितोला रु ३०० बढेर रु ९४ हजार ३०० रुपैयाँमा कारोबार भएको छ।महासङ्घले आजका लागि तेजाबी सुनको मूल्य प्रतितोला रु ९३ हजार ८०० तोकेको छ । यस अघि शुक्रबार तेजाबी सुन प्रतितोला रु ९३ हजार ५०० मा खरिद बिक्री भएको थियो ।

आज चाँदीको मूल्य स्थिर रहेको छ । आज पनि महासङ्घले चाँदीको मूल्य प्रतितोला रु १२१० तोकेको छ । यस अघि शुक्रबार पनि चाँदी प्रतितोला रु १२१० मा खरिद बिक्री भएको थियो ।