आधारभूमि संवाददाता
काठमाडौँ, ३० कात्तिक
पोर्चुगल यूईएफए नेसन्स लिग फुटबलको समूह चरणबाट बाहिरिएको छ । शनिबार राति
समूह ए ३ अन्तर्गत भएको खेलमा पोर्चुगल फ्रान्ससँग १-० ले पराजित हुँदै नेसन्स लिग फुटबलको समूह चरणबाट बाहिरिएको हो ।
फ्रान्सलाई जित दिलाउन एनगालो कान्टेले गरेको गोल नै निर्णायक बन्न पुग्यो ।कान्टेले एड्रीयनको पासमा ५३ औं मिनेटमा सो गोल गरेका हुन् ।
जितसँगै फ्रान्स सेमिफाइनलमा प्रवेश गरेको छ ।
जितसंगै लिग (ए) समूह (३) मा रहेको फ्रान्सले ५ खेलबाट १३ अंक जोडेको छ र शीर्ष स्थानमा छ। दोस्रो स्थानको पोर्चुगलको ५ खेलबाट १० अंक जोडेको छ ।
यहि समूहको अर्को खेलमा स्विडेनले क्रोएसियालाई २-१ ले पराजित गरेको छ ।जितसंगै स्विडेनले ५ खेलबाट ३ अंक जोडेको छ र क्रोएसियाको पनि ५ खेलबाट ३ अंक नै छ ।
अब समूह चरणको अन्तिम खेलमा फ्रान्सले स्विडेन र पोर्चुगलले क्रोएसियासँग खेल्नेछ ।
