आधारभूमि संवाददाता
काठमाडौ, कात्र्तिक २६

विश्वमा कोरोना भाइरस सङ्क्रमितको संख्या पाँच करोड १८ लाख नाघेको छ ।

नेपाली समय बुधवार १:०० बजे सम्म विश्वभरीमा पाँच करोड १८ लाख ३५ हजार ९४५ जना व्यक्ति कोरोना सङ्क्रमित भएका छन् ।

सङ्क्रमितमध्ये हालसम्म तीन करोड ६४ लाख ७ हजार ८८८ व्यक्ति कोरोना मुक्त भएका छन् । विश्वभरमा १ करोड ४१ लाख ४८ हजार ९४ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये ९४ हजार ९५७ जनाको अवस्था गम्भीर रहेको जनाइएको छ भने विश्वमा कोरोना भाइरस सङ्क्रमणको कारण १२ लाख ७९ हजार ९६३ व्यक्तिको मृत्यु भएको छ ।

चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।

सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित ब्राजिलमा देखिएको छ ।

पछिल्लो विवरण अनुसार अमेरिकामा कुल सङ्क्रमितको संख्या १ करोड ५ लाख ६८ हजार ७१४ पुगेको छ । त्यसैगरी यहाँ कुल मृतकको संख्या २ लाख ४५ हजार ९४३ पुगेको छ ।

दोस्रो धेरै प्रभावित भएको भारतमा ८६ लाख ३६ हजार ११ जना सङ्क्रमित भएका छन् भने १ लाख २७ हजार ६१५ जनाको मृत्यु भएको छ ।

त्यसतै तेस्रो धेरै प्रभावित भएको ब्राजिलमा ५७ लाख १ हजार २८३ जना सङ्क्रमित भएका छन् भने एक लाख ६२ हजार ८४२ जनाको मृत्यु भएको छ ।

स्रोत: वर्ल्डोमीटर

https://www.worldometers.info/coronavirus/