आधारभूमि संवाददाता

काठमाडौँ, २४ कात्तिक

सुनको मूल्यमा आज पनि सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

आइतबार तोलामा रु ९७ हजार ७०० मा कारोबार भएको सुनको मूल्य आज प्रतितोला रु ५०० बढेर रु ९८ हजार २०० रुपैयाँमा कारोबार भएको छ र तेजाबी सुनको मूल्य प्रतितोला रु ९७ हजार ७०० तोकेको छ । यस अघि आइतबार तेजाबी सुन प्रतितोला रु ९७ हजार २०० मा खरिद बिक्री भएको थियो ।

आज चाँदीको मूल्य प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु १२८५ तोकेको छ । यस अघि आइतबार चाँदी तोलामा रु १२७५ रुपैयाँमा कारोबार भएको थियो ।