आधारभूमि संवाददाता

काठमाडौँ, २३ कात्तिक

टोटनह्याम इंग्लिस प्रिमियर लिग फुटबलको शीर्ष स्थानमा उक्लिएको छ । आइतबार साझ सम्पन्न खेलमा टोटनह्यामले वेस्ट ब्रोमलाई उसैको मैदानमा १-० गोलले पराजित गरेको हो ।

टोटनह्यामलाई जित दिलाउन ह्यारी केनले गरेको गोल नै निर्णायक बन्न पुग्यो ।केनले खेलको ८८ औं मिनेटमा सो गोल गरेका हुन् ।

जितसँगै टोटनह्यामले ८ खेलबाट १७ अंक जोडेको छ र शीर्ष स्थानमा उक्लिएको छ। पराजित वेस्ट ब्रोमको ३ अंक छ र १८ औं स्थानमा छ ।