आधारभूमि संवाददाता
काठमाडौँ, २३ कात्तिक
प्रिमियर लिग फुटबलमा म्यान्चेष्टर युनाईटेडले जित निकालेको छ। शनिबार भएको खेलमा म्यान्चेष्टर युनाईटेडले एभर्टनलाई उसैको मैदानमा ३-१ गोलले पराजित गरेको हो ।
युनाईटेडलाई जित दिलाउन ब्रुनो फर्नान्डेसले दुई गोल र एडिनसन कभानीले एक गोल गरेका थिए । एभर्टनका बेर्नार्डले एक गोल फर्काए ।
खेलमा पहिलो अग्रता एभर्टनलेनै लिएको थियोे ।खेलको १९ औं मिनेटमा एभर्टनका बेर्नार्डले गोल गर्दै टोलीलाई अग्रता दिलाएका थिए। तर त्यो अग्रता धेरैबेर टिकेन ।त्यसको ६ मिनेटपछि युनाईटेडका ब्रुनो फर्नान्डेसले गोल गर्दै खेल बराबरीमा फर्काए।
खेलको ३२ औं मिनेटमा फर्नान्डेले व्यक्तिगत दोस्रो गोल गर्दै युनाईटेडको अग्रता दोब्बर पारे ।
त्यसपछि दोस्रो हाफको इन्जुरी समयमा एडिनसन कभानीले गोल गर्दै युनाईटेडलाई ३-१ को जित दिलाए ।
जितसंगै युनाईटेडले यस सिजनमा तेस्रो जित निकाले छ। युनाईटेडले ७ खेलबाट १० अंक जोडेको छ र १४ स्थानमा उक्लिएको छ। पराजित एभर्टनको ८ खेलबाट १३ अंक छ र छैटौं स्थानमा छ। शीर्ष स्थानको साउथह्याम्पटनको ८ खेलबाट १६ अंक छ । दोस्रो स्थानको लिभरपुलको ७ खेलबाट १६ अंक छ ।
