काठमाडौ, कात्र्तिक २२
नेपाल बैंकले ८४ औं बार्षिकोत्सवको उपलक्ष्यमा रक्तदान कार्यक्रमको आयोजना गरेको छ । बिक्रम संम्वत् १९९४ कात्र्तिक ३० गते लक्ष्मी पूजाको दिन स्थापना भई नेपालको पहिलो बैंक, नेपाल बैंक लिमिटेडले शुुक्रबार बार्षिकउत्सवको अवसरमा केन्द्रिय कार्यालय प्रांगडमा रक्तदान कार्यक्रमको आयोजना गरेको हो ।
बैकका अनुसार प्रमुख कार्यकारी अधिकृत प्रकाशकुमार अधिकारीको संयोजकत्वमा गठित अतिरिक्त कृयाकलाप उपसमितिले लायन्स क्लव अफ बैंकर्स तथा नेपाल रेडक्रस सोसाईटीको सहयोगमा बृहत रक्तदान कार्यक्रमको आयोजना गरेको हो । उक्त कार्यक्रममा बैंकका कर्मचारी तथा अन्य दाताहरु समेत ८९ जनाले रक्तदान गरेका थिए । रक्तदान कार्यक्रमको उद्घाटन बैंकका प्रमुख कार्यकारी अधिकृत कृष्ण बहादुर अधिकारीले गरेका थिए । कार्यक्रममा प्रमुख कार्यकारी अधिकृतले नेपालको फ्ल्यागशीप बैंककोरुपमा रहेको बैंकले आफ्ना ग्राहकहरुको अटल विश्वास र भरोसाको उच्च कदर गर्दै सहुलियतपूर्ण तथा प्रतिष्पर्धि ब्याजदरमा कर्जा लगानी गर्नुुका साथै बिभिन्न निक्षेप खाताहरुम मोवाईल बैंकिङ, इन्टरनेट बैंकिङ, डिम्याट, मेरो सेयर, सि आस्वा र भिसा डेबिट कार्ड निःशुल्क प्रदान गरिएको जानकारी दिएकाछन ।
८४औ बार्षिकोत्सवका अबसरमा बैंकद्वारा थप १२ शाखा तथा दुुई वटा एक्स्टेन्सन काउण्टरहरु मार्फत सेवा बिस्तार गर्देछ । रक्तदानका साथै बैंकद्वारा ८४ औं बार्षिकोत्सवको उपलक्ष्यमा अन्य बिभिन्न कार्यक्रमहरु जस्तै टेलिभिजनमा आर्थिक बहस कार्यक्रम, आर्थिक लेखहरुको बिशेषङ्क प्रकाशन, बैंकको डकुमेण्ट्री प्रसारण आदि कार्यक्रमहरु समेत संचालन गर्देछ । बैकले हाल देशको ६४ जिल्लामा रहेका आफ्ना एक सय ९१ शाखा, एक सय २६ एटिएम तथा ३६ वटा एक्टेन्शन काउण्टर मार्फत् देश र आम नेपालीको बैंकिङ्ग सेवामा समर्पित रहि अत्याधुनिक बैंकिङ्ग सुबिधाहरु उपलब्ध गराउदै आइरहेको छ ।
