आधारभूमि संवाददाता

काठमाडौँ, १९ कात्तिक

सुनको मूल्यमा आज पनि वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ९०० ले वृद्धि भएको छ ।

मंगलबार तोलामा रु ९५ हजार ४०० मा कारोबार भएको सुनको मूल्य आज प्रतितोला रु ९०० बढेर रु ९६ हजार ३०० रुपैयाँमा कारोबार भएको छ र तेजाबी सुनको मूल्य प्रतितोला रु ९५ हजार ८०० तोकेको छ । मंगलबार तेजाबी सुन प्रतितोला रु ९४ हजार ९०० मा खरिद बिक्री भएको थियो ।

आज चाँदीको मूल्य प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु १२०५ तोकेको छ । मंगलबार चाँदी प्रतितोला रु १२१० मा कारोबार भएको थियो ।