आधारभूमि संवाददाता
काठमाडौँ, १९ कात्तिक
च्याम्पियन्स लिग फुटबलमा रियल मड्रिडलेले यो सिजनको पहिलो जित निकालेको छ। मंगलबार राति भएको खेलमा रियलले इन्टर मिलानलाई ३–२ गोलले पराजित गरेको हो ।
रियल मड्रिडलाई जित दिलाउन करिम बेन्जिमा , कप्तान सर्जियो रामोस र रोड्रिगोले एक-एक गोल गरे । मिलानको लौटरो मार्टिनेज र इभान पेरिसिकले एक-एक गोल फर्काए ।
खेलको २५ औं मिनेटमा करिम बेन्जिमाले टोनी क्रुसको पासमा गोल गर्दै रियललाई सुरुवाती अग्रता दिलाएका थिए । ३३ औं मिनेटमा कप्तान सर्जियो रामोसले गोल गर्दै टोलीको दोब्बर पारे । त्यसको २ मिनेटपछि लौटरो मार्टिनेजले गोल गर्दै खेल २-१ को स्थितिमा ल्याए ।
दोस्रो हाफको ६८ औं मिनेटमा इन्टर मिलानका इभान पेरिसिकले गोल गर्दै खेल २-२ को बराबरीमा ल्याए ।त्यसपछि रोड्रिगोले खेलको ८० औं मिनेटमा भिनिसियस जुनियरको पासमा गोल गर्दै रियललाई ३-१ को जित दिलाए ।
जितसँगै समूह “बी”मा रहेको रियलले ३ खेलबाट ४ अंक छ । पराजित मिलानको २ अंक छ ।शीर्ष स्थानको बोरुसिया मोन्चेग्लाडवाचको ५अंक छ ।
