आधारभूमि संवाददाता
काठमाडौँ, १९ कात्तिक
च्याम्पियन्स लिग फुटबलमा लिभरपुलले शानदार जित निकालेको छ। मंगलबार राति भएको खेलमा लिभरपुलले एटलान्टालाई ५–० गोलले पराजित गरेको हो ।
लिभरपुललाई जित दिलाउन डिएगो जोटाले ह्याट्रिक गरे भने मोहम्मद सालाह र साडियो मानेले एक-एक गोल गरेका थिए । लिभरपुलले दुई गोल पहिलो हाफमा र अरु गोल दोस्रो हाफमा गरेको हो ।
खेलको १६ औं मिनेटमा जोटाले गोल गर्दै लिभरपुललाई अग्रता दिलाएका थिए ।३३ औं मिनेटमा जोटाले व्यक्तिगत दोस्रो गोल गर्दै टोलीको अग्रता पहिलो हाफमा दोब्बर पारे ।
दोस्रो हाफको ४७ औं मिनेटमा सालाहले गोल गर्दै टोलीलाई ३-० ले अघि बढाए। त्यसको २ मिनेटपछि मानेले गोल गर्दै लिभरपुलको अग्रता फराकिलो बनाए । त्यसपछि ५४ औं मिनेटमा जोटाले ह्याट्रिक पुरा गरे र लिभरपुललाई ५-० को शानदार जित दिलाए ।
जितसँगै समूह “डि”मा रहेको लिभरपुलले ३ खेलबाट ९ अंक छ र शीर्ष स्थानमा छ। पराजित एटलान्टाको ४ अंक छ
