आधारभूमि संवाददाता
काठमाडौँ, १८ कात्तिक
ईङ्लिस प्रिमियर लिग फुटबलमा लेस्टर सिटीले लिड्स युनाईटेडलाई पराजित गरेको छ । सोमबार राति भएको खेलमा लेस्टरले लिड्स युनाईटेडलाई ४-१ गोल अन्तरले पराजित गरेको हो ।
लेस्टरलाई जित दिलाउन यूरी टाईलमन्सले दुई गोल, हार्वे बारन्स र जेमी वार्डीले एक–एक गोल गरे । लिड्स युनाईटेडको स्टुअर्ट डलासले एक गोल फर्काए ।
खेलको दोस्रो मिनेटमा हार्वे बारन्सले भार्डीको पासमा गोल गर्दै लेस्टरलाई अग्रता दिलाएका थिए । २१ औं मिनेटमा यूरी टाईलमन्सले गोल गर्दै टोलीको अग्रता दोब्बर पारे ।
दोस्रो हाफको ४८ औं मिनेटमा लिड्स युनाईटेडका स्टुअर्ट डलासले गोल गर्दै लेस्टरको अग्रता २-१ मा ल्याए । ७६ औं मिनेटमा जेमी वार्डीले गोल गर्दै टोलीलाई ३-१ ले अघि बढाए।
त्यसपछि खेलको अतिरिक्त समयको इन्जुरी समयमा टाईलमन्सले व्यक्तिगत दोस्रो गोल गर्दै लेस्टरलाई ४-१ को जित दिलाए ।
जितसँगै लेस्टरले ७ खेलबाट १५ अंक जोडेको छ र दोस्रो स्थानमा उक्लिएको छ। शीर्ष स्थानको लिभरपुलको ७ खेलबाट १६ अंक छ। पराजित लिड्स युनाईटेडको १० अंक छ र १२ औं स्थानमा रहेको छ ।
